Miss Lovato

{.. أهلاً و سهلاً زائر في منتدى Miss Lovato


    ..... الخــاطره التي ابكت الشــارع السـعودي

    شاطر
    avatar
    ħάјάя
    " متميزة المرئيات والصوتيات "

    انثى عدد المشاركات : 76
    تاريخ التسجيل : 10/06/2009

    ..... الخــاطره التي ابكت الشــارع السـعودي

    مُساهمة من طرف ħάјάя في الخميس يونيو 11, 2009 4:57 pm

    السلام عليكم ورحمة الله وبركاته
    ..... الخــاطره التي ابكت الشــارع السـعودي
    الطفوله

    اهلين مو اذا قريتو في البداية تصكرون الموضوع ترى الخاطره في الاخير احلى

    اليكم الخاطره

    الطفوله
    أحلى مافي هالحياة
    مرحله من غير هم
    كنـّا دايم نبتسم
    كنـّا حتى لو بكينا ... وجارت الدنيا علينا
    بعد لحظـات وثواني
    بسمه فينا ترتســم
    ....
    كنـّا نركض
    خلف كوره ... ( لا لا أنا ماكنت معهم !! )
    وحدي بس بعيد عنهم ... كنت أنا أضحك عليهم
    جالس لحالي أهذري ... جالس أحسب كم ( كوبري )
    صلـّحه ( أحمد ) في ( ماجد ) ؟؟
    والله واجد!!
    ...
    وقبل ما يحل الظلام
    للبيوت نروح نجري ... ( لا لا أنا ماكنت معهم ! ) أمشي وحدي بعيد عنهم ...
    أمشي وأعدد أثرهم !
    وهم عني يبعدون
    يبعدون ... يبعدون
    إلا ( ماجد ) !!
    كان مثلي حيل ضايق ...
    بس حزنـي كــان حارق
    كان يسألني ببراءه : ...
    ليش تعرج ؟ ...
    قلت مادري ! ...
    باستياء
    ليش تبكي ؟
    قلت مابكي ...
    بكبرياء
    ضاق مني ...
    ثم سألني في غباء ...
    قال ( وثرايك تـثــابق )؟؟
    وراح عنــّــي ... !!
    ....
    كنت أسأل دوم نفسي ...
    ليش ما أركض معاهم ؟!!
    ليش دوم أمشي وراهم ؟!!
    وش بلاي ؟!! ...
    أو وش بلاهم ؟!!
    ليه أنا غير الأنام ؟!!
    زاحمتني الأسئله...
    كل شيٍ أجهله ؟
    وإن تعبت من الإجـــابه...
    أحظن الحيـــره وأنام .
    .....
    مرّت سنين وكبرت ...
    صار همّي اليوم أكبر
    حتى دمعي صار أكثر
    للأسف توي قدرت ...
    أفهم إني شخص ( عاجز ) !!
    يعني بيني وبينكم
    مليون حاجـــز !!!
    صدقوني ذي حقيقه ...
    لا طلعت السوق ...
    كل ما أمشي دقيقه
    القى كل شوي أبله !!
    يمشي ويناظر صديقه ...
    ويغمز له
    يقول :
    ناظر ...!!
    وش يناظر ؟!!
    وتتفجّــر في خفوقي
    ألف ضيقه
    ووحده في وسط الزحام ....
    طالعتني باهتمام ...
    بنت في عمر الزهور ...
    أي رشاقه ...
    وأي أناقه ...
    وأي عطـــور !!
    قلت في نفسي ياهووووه
    هي تناظرني بغرام ؟!! ...
    أو هي نظره والسلام ؟!!
    بس أكيد إنها تعرفني ...
    شايفتني ؟
    شايفتني في جريده ؟
    واعجبتها لي قصيده ؟
    إيييييه أنا توي افتكرت
    ....
    لي قصيده ...
    كنت ناشر معها صوره
    بس صوره ... ياسلااااا م
    وفاجأتني ...
    لمـّا صارت لي قريبه ...
    كانت تـمـتم بطيبه
    { يكسر الخاطــر حـــرااااام ) !!!!! وتركت دمعه غريبة ...
    وضاعت بوسط الزحــام
    دمعه كانت تحكي وضعي ...
    زلزلتني
    ارتطم قلبي بضلعي ...
    دمرتني
    صدقوني ...
    أصعب اللحظــات وأقسى
    لاغدا الرجـّــــال يكسر ... خاطر انثى
    كيف ينسى ؟؟؟
    جاوبوني !!
    ...
    وزاد همّــي ...
    يوم فكــّـرت بوظيفه ...
    ثم زواج
    أي وظيفه ...
    وأي زواج ؟؟
    اللــي مثـلي ...
    مهما طالب ...
    لو يلف ولو يدور
    زين لو حطـــّــوه كــاتب
    لا ... وعلى بنــد الأجـــــــور ....
    ماهو رسمي !!!
    ....
    صدقوني لو تدرّج ...
    وصار راتبه ايتصاعد
    وابتــدا وضعه يزين
    ما أظنه بيتزوّج ...
    حتى لو بعد التقاعد !!
    .....
    وفي النهــايه ...
    يابلــدنا ..
    . مهما كانت ( تسميتـنا )
    عاجزين ...
    ( معوّقين ) لك عهدنا ...
    وذا قسمنا :
    أقسم بالله العظيم ... منزل الذكر الحكيم
    أن أصونــك يابلادي ... من شرور العابثين
    من مطامع كل حاسد ... من نوايا كل فاســد
    وإني لك حصنٍ حصين ...
    إنتي ناديني وشوفي ... لا نويتي بالجهــاد
    والله أقهر لك ظروفي ... دامك إنتي لي بــــلاد
    وباسم كل العاجزين ...
    دام فينا أصبع يطول الزنـــاد
    لا يهمــّـك يابلادي ...
    وازهليهــا..



    أصعب اللحظــات وأقسى
    لاغدا الرجـّــــال يكسر ... خاطر انثى
    ياربي من جد تضيق الصدر جملته هذي في الخاطره
    avatar
    ™кчôкό
    o♫ عضـو ♫o
    o♫ عضـو ♫o

    انثى عدد المشاركات : 71
    تاريخ التسجيل : 04/06/2009
    الـمـكـان : S.A

    رد: ..... الخــاطره التي ابكت الشــارع السـعودي

    مُساهمة من طرف ™кчôкό في الخميس يونيو 11, 2009 5:10 pm

    من حقه تهبل الخاطره

    يعطيك العافيه حبيبتي ^_^
    avatar
    ħάјάя
    " متميزة المرئيات والصوتيات "

    انثى عدد المشاركات : 76
    تاريخ التسجيل : 10/06/2009

    رد: ..... الخــاطره التي ابكت الشــارع السـعودي

    مُساهمة من طرف ħάјάя في الخميس يونيو 11, 2009 5:39 pm

    وياك غلاتي..
    مشكوره على ردك الاكثر من رائع..
    avatar
    AZORA
    o♫ عضـو ♫o
    o♫ عضـو ♫o

    انثى عدد المشاركات : 127
    تاريخ التسجيل : 08/06/2009
    العمر : 23
    الـمـكـان : فتيات الأنمي
    التنبيهات : طالبة

    رد: ..... الخــاطره التي ابكت الشــارع السـعودي

    مُساهمة من طرف AZORA في الجمعة يونيو 12, 2009 4:12 am

    خاطرهـ...

    في قمتـ الروعه

    يسلموو على الموضوع

    المميز

    دائما مبدعه
    avatar
    Ṃĩṩṩ Łσṽąṱό
    ☺ Admin ☻
    ☺ Admin ☻

    انثى عدد المشاركات : 247
    تاريخ التسجيل : 14/05/2009
    العمر : 25
    الـمـكـان : .. japan ..

    رد: ..... الخــاطره التي ابكت الشــارع السـعودي

    مُساهمة من طرف Ṃĩṩṩ Łσṽąṱό في الجمعة يونيو 12, 2009 7:59 am

    يا عمري ..
    صراحه الخاطره فيها سلبيات
    و هالشاعر مرهف الحس هههههههه

    يسلموووووو جوجو ^_^


    _______ التوقيع __________


    ΜΐšŠ.ЂЯєЄИšỢ
    avatar
    ħάјάя
    " متميزة المرئيات والصوتيات "

    انثى عدد المشاركات : 76
    تاريخ التسجيل : 10/06/2009

    رد: ..... الخــاطره التي ابكت الشــارع السـعودي

    مُساهمة من طرف ħάјάя في الجمعة يونيو 12, 2009 2:21 pm

    انتي الاروع يا
    R.ROSE
    والله يسلمك احرجتيني بردك ..

    مشكوره على ردك ياşόί ғόήģ
    هههه ماينلام معاق ماتبينه يكون مرهف الحس
    والله يسلمك يالغلا ^_^
    avatar
    *..Sweet_Boy..*
    o♫ عضـو ♫o
    o♫ عضـو ♫o

    ذكر عدد المشاركات : 70
    تاريخ التسجيل : 14/06/2009
    العمر : 25
    الـمـكـان : Kingdom Heart

    رد: ..... الخــاطره التي ابكت الشــارع السـعودي

    مُساهمة من طرف *..Sweet_Boy..* في الثلاثاء يونيو 16, 2009 12:30 am

    Thank You

    Sweet_Sweet_Sweet
    avatar
    ħάјάя
    " متميزة المرئيات والصوتيات "

    انثى عدد المشاركات : 76
    تاريخ التسجيل : 10/06/2009

    رد: ..... الخــاطره التي ابكت الشــارع السـعودي

    مُساهمة من طرف ħάјάя في الخميس يوليو 02, 2009 9:52 am

    لك الشكر اخوي
    Sweet_Boy..*
    على ردك ..
    avatar
    جين فريكس
    ☺ Admin ☻
    ☺ Admin ☻

    انثى عدد المشاركات : 127
    تاريخ التسجيل : 09/06/2009
    العمر : 21
    الـمـكـان : japanese

    رد: ..... الخــاطره التي ابكت الشــارع السـعودي

    مُساهمة من طرف جين فريكس في الجمعة يوليو 24, 2009 12:46 pm

    مشكورهـ خيتــوو ع الطرحـ الكيوـتـوو ..

      الوقت/التاريخ الآن هو الجمعة يونيو 22, 2018 10:50 am